Üzgüçülük Mərkəzində yeni mövsümə start verildi
İlham Əliyev adına Olimpiya İdman Kompleksinin Üzgüçülük Mərkəzində üzgüçülük mövsümünə hazırlıq işləri bu gün etibarı ilə tamamlanıb. Mərkəzdəki hovuzun su təminatı bərpa olunub. Suyun lazımi normaya salınması üçün dərmanlama, təmizləmə işləri icra olunub. Mərkəzin iş mexanizminə uyğun olaraq profilaktik tədbirlər hər gün təkrarlanacaq, sanitar-gigiyenik normalara riayət nəzarətdə saxlanılacaq.
Mərkəzdə göstərilən üzgüçülük xidmətlərindən yararlanmaq istəyənlər adıçəkilən idman obyektinin abunə kartına sahib olmalıdır. Hovuzdan istifadə, eləcə də üzgüçülük təlimləri həm uşaqlar, həm də qadın və kişilər üçün qrafikə uyğun olaraq tənzimlənəcək.
Vətəndaşlardan ətraflı məlumat və əlaqə üçün Üzgüçülük Mərkəzinin (036) 545-78-59 nömrəsi ilə əlaqə saxlaması xahiş olunur.
